Plantun de Prouvènço

Pèr coumpara dos planto d'encò nostre

Luzula lutea & Fraxinus excelsior

Luzula lutea

Juncaceae

Nom en français : Luzule jaune.

Descripcioun :
Lou jounc-pelu-jauno trachis en auto mountagno sus sòu séusous, dins li pelouso à péu-de-chin, Nardus stricta, ounte ié flouris en estiéu. Au contro de si cousin, èi pas gaire pelu pèr un jounc-pelu e fai de lòngui fueio basalo que fan pensa à li de pichòti glaujo. Lis enflourejado, jauno, soun pulèu bèn prouvesido.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Luzula
Famiho : Juncaceae

Ordre : Poales

Coulour de la flour : Jauno
Petalo : 6
Ø (o loungour) flour : 5 à 7 mm
Flourido : Printèms - Estiéu

Sòu : Si
Autour basso e auto : 1800 à 3200 m
Aparado : Noun
Jun à avoust

Liò : Pelouso - Relarg à rousage - Bos clar - Roucas
Estànci : Subaupen à Aupen
Couroulougi : Ouroufito-Éuroupenco
Ref. sc. : Luzula lutea (All.) DC., 1805

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).